فوجی اہلکاروں کے بچوں کے لیے اسکالرشپ کے ساتھ 10 تعلیمی نشستیں مختص بھارتی فوج اور گرونانک تعلیمی ادارے کے درمیان مفاہمت کی یادداشت پر دستخط
بیدر 21 اگست ( نامہ نگار ) ملک کے دفاع میں بھارتی مسلح افواج کی جانب سے انجام دی جانے والی گراں قدر خدمات اور قربانیوں کو خراجِ تحسین پیش کرنے کے مقصد سے بھارتی فوج اور بیدر کے گرونانک تعلیمی ادارے کے درمیان فوجی اہلکاروں کے بچوں کو تعلیمی مواقع فراہم کرنے کے سلسلے میں مفاہمت کی یادداشت (ایم او یو) پر دستخط کیے گئے۔اس معاہدے کے تحت گرونانک گروپ آف انسٹی ٹیوشنز کی جانب سے حاضرِ خدمت اور ریٹائرڈ فوجی اہلکاروں کے بچوں کے لیے اسکالرشپ کے ساتھ 10 تعلیمی نشستیں مختص کی گئی ہیں۔ اس اقدام کا مقصد فوجی خاندانوں کے بچوں کو معیاری تعلیم کے مواقع فراہم کرنا اور ملک کی خدمت میں بھارتی مسلح افواج کے اہلکاروں کی قربانی، خدمات اور dedication کو تسلیم کرنا ہے۔یہ پروگرام شہر کے میلور روڈ پر واقع گرونانک دیو انجینئرنگ کالج کے آڈیٹوریم میں منعقد ہوا۔ اس موقع پر بھارتی فوج کی جانب سے کرنل دیویندر وششت اور گرونانک ادارے کے صدر ڈاکٹر ایس. بلبیر سنگھ نے دونوں اداروں کے نمائندوں کی موجودگی میں مفاہمت کی یادداشت پر دستخط کیے۔
اس موقع پر خطاب کرتے ہوئے ڈاکٹر ایس. بلبیر سنگھ نے کہا کہ بھارتی فوج کی جانب سے ملک کی خدمت، قربانی اور بے لوث خدمات کے اعتراف میں یہ ایک عاجزانہ اور بامعنی کوشش ہے۔ انہوں نے ملک کی خودمختاری، سلامتی اور سالمیت کے تحفظ میں مسلح افواج کے اہم کردار کو سراہا-انہوں نے کہا کہ فوجی اہلکاروں کے بچوں کی تعلیم میں تعاون کرنا ملک کی خدمت کرنے والے فوجیوں اور ان کے خاندانوں کے تئیں اظہارِ تشکر کا ایک چھوٹا لیکن بامعنی قدم ہے۔ یہ اسکالرشپ محض مالی امداد نہیں بلکہ وطن کی خدمت کے لیے اپنی زندگی وقف کرنے والے فوجیوں اور ان کے خاندانوں کے احترام، تشکر اور یکجہتی کی علامت ہے۔مسلح افواج کے ساتھ گرونانک تعلیمی ادارے کا یہ دوسرا اہم معاہدہ ہے۔ اس سے قبل ادارے نے سال 2023 میں بھارتی بحریہ کے ساتھ بھی اسی نوعیت کا معاہدہ کیا تھا۔ دفاعی اہلکاروں کے بچوں کی تعلیمی ترقی کے لیے ضروری مواقع فراہم کرتے ہوئے ادارے نے اپنی سماجی ذمہ داری کو مزید مضبوط کیا ہے۔اس موقع پر ادارے کی نائب صدر ڈاکٹر ریشما کور، وی ٹی یو رکن ایس. پویت سنگھ، سابق کرنل آر. ڈی. سنگھ، راج شیکھر گایتونڈ، ڈاکٹر ہریش جیوشی، ڈاکٹر دیانند اور ڈاکٹر امیشانکر موجود تھے۔
NEWS & ADVERTISMENT CONTACT 9880736910
0 تبصرے