بیدر۔ 22ڈسمبر (ناز میڈیا) جماعت اسلامی ہند کرناٹک کے ریاستی سکریڑی جناب محمدیوسف کنی نے اتوار کو اردو ودکنی زبان کے شاعروادیب، افسانچہ نگار جناب محمدیوسف رحیم بیدری رکن جماعت اسلامی ہند کی مزاج پرسی کرنے ان کی رہائش گاہ موقوعہ گولہ خانہ، پتال نگری،بیدر پہنچے۔ ا ن کے قلب کی سرجری سے متعلق معلومات حاصل کیں۔ صحت کی موجودہ صورتحال دریافت کی۔جس کو تسلی بخش بتایاگیا۔ بعدازاں جناب محمدیوسف رحیم بیدری نے اپنی تازہ ترین چارکتابیں دکنی (دکنی زبان کاشعری مجموعہ)، لے (رشید احمد رشید ؔ پر تحریریں)، واخا(افسانچے) اور صحادب (انٹرویوز، مضامین وغیرہ)پیش کیں۔ جنہیں شکریہ کے ساتھ جناب محمدیوسف کنی نے وصول کیں۔ اس موقع پر رکن شوریٰ جماعت اسلامی ہند کرناٹک جناب محمدآصف الدین، امیرمقامی جناب محمد معظم، اور جناب محمدرفیق احمد گادگی سابق ناظم علاقہ جماعت اسلامی ہند علاقہ گلبرگہ موجودتھے۔
NEWS & ADVERTISMENT CONTACT 9880736910
0 تبصرے