سنگاریڈی ضلع پولیس ملازمین میں بارش سے بچاؤ کے لیے رین کوٹ تقسیم
سنگاریڈی7 اکتوبر (نامہ نگار) ضلع ایس پی پریتوش پنکج، آئی پی ایس نے بارش کے موسم میں پولیس ملازمین کو دورانِ ڈیوٹی مشکلات سے محفوظ رکھنے کے مقصد سے ان میں رین کوٹ تقسیم کیے۔
اس موقع پر ضلع ایس پی نے کہا کہ پولیس ملازمین بارش اور نامساعد موسمی حالات کے باوجود عوام کی حفاظت کے لیے اپنی ذمہ داریاں انجام دیتے ہیں۔ ملازمین کی صحت اور حفاظت کو مدنظر رکھتے ہوئے انہیں مرحلہ وار ضروری حفاظتی سازوسامان، اونی جیکٹس اور اونی کمبل بھی فراہم کیے جا رہے ہیں۔
انہوں نے کہا کہ پولیس ملازمین کو ڈیوٹی کے دوران پیش آنے والی دشواریوں کو کم کرنے اور انہیں مزید مؤثر انداز میں فرائض انجام دینے کے قابل بنانے کے لیے ضروری سہولتیں فراہم کرنا محکمہ کی ترجیحات میں شامل ہے۔ اس پروگرام میں آر آئی ایڈمن سریش نائک اور دیگر پولیس ملازمین نے شرکت کی۔
NEWS & ADVERTISMENT CONTACT 9880736910
اشاعتیں
0 تبصرے