بیدر میں 40واں ریاستی صحافی سمیلن: کامیابی کے لیے اتحاد ضروری، شیوانند تگڈور
بیدر29 مارچ ( نامہ نگار )کرناٹک ورکنگ جرنلسٹس ایسوسی ایشن کے ریاستی صدر شیوانند تگڈور نے کہا ہے کہ آئندہ منعقد ہونے والے 40ویں ریاستی صحافیوں کے سمیلن کو کامیاب اور بامقصد بنانے کے لیے سبھی کو متحد ہو کر کام کرنا ہوگا۔وہ ہفتہ کے روز شہر کے ضلع پریس بھون میں منعقدہ مختلف کمیٹیوں کی پیشگی تیاری اجلاس کی صدارت کرتے ہوئے خطاب کر رہے تھے۔ انہوں نے بتایا کہ تمام ارکان کی درخواست پر رائچور کے بجائے بیدر میں سمیلن منعقد کرنے کی منظوری دی گئی ہے۔
اس سمیلن میں وزیراعلیٰ، نائب وزیراعلیٰ، اپوزیشن لیڈر، اسمبلی و کونسل کے صدور سمیت “پرجا وانی”، “وجے وانی” اور “وجے کرناٹک” جیسے ریاستی اخبارات کے مدیران کو مدعو کیا گیا ہے۔انہوں نے کہا کہ آنند دیوپا کو صدر بنانے کے لیے سب کی متفقہ درخواست پر ریاستی تنظیم نے ایڈہاک کمیٹی تشکیل دی ہے، تاہم حتمی منظوری سمیلن کے دوران منعقد ہونے والی جنرل باڈی میٹنگ میں دی جائے گی۔
حالیہ اشتہاری پالیسی سے اخبارات کو درپیش مشکلات کے حل کے لیے وزیراعلیٰ کو پہلے ہی یادداشت پیش کی جا چکی ہے اور سمیلن کے دوران بھی اس مسئلے کو اٹھایا جائے گا۔ریاستی صدر نے یادگاری شمارہ اور رہنما کتابچے الگ الگ شائع کرنے کی ہدایت دیتے ہوئے کہا کہ بیدر کے سینئر صحافیوں کی خدمات اور ضلع کی صحافتی تاریخ پر مضامین جلد از جلد روانہ کیے جائیں تاکہ ایک معیاری یادگاری شمارہ شائع ہو سکے۔انہوں نے رہائش اور ٹرانسپورٹ کمیٹیوں کو باہمی تال میل سے کام کرنے پر زور دیتے ہوئے کہا کہ مندوبین کے قیام اور کھانے پینے کے انتظامات نہایت اہم ہیں۔ اسی طرح فوٹوگرافی نمائش کے سلسلے میں کلبرگی کے سابق ریاستی نائب صدر بھوانی سنگھ ٹھاکور کے تعاون سے تاریخی تصویری نمائش کی تیاری کرنے کی ہدایت دی گئی۔
اجلاس میں سینئر صحافی شیوشرنپا والی نے مہمانِ خصوصی کے طور پر خطاب کرتے ہوئے کہا کہ صحافیوں کو ملنے والے مواقع کا بھرپور استعمال کرنا چاہیے اور اپنے مقام کو برقرار رکھنے کی ذمہ داری خود ادا کرنی چاہیے۔ انہوں نے کہا کہ 40واں ریاستی سمیلن بیدر میں منعقد ہونا ایک اعزاز ہے اور اس کی کامیابی کے لیے سب کی شمولیت ضروری ہے۔سابق ضلع صدر بابو والی نے بیدر کو سمیلن دینے پر ریاستی تنظیم کا شکریہ ادا کرتے ہوئے ضلع عہدیداروں کی تقرری اور نئی اشتہاری پالیسی کے مسائل کے حل کا مطالبہ کیا۔ضلع صدر آنند دیوپا نے رہائش، ٹرانسپورٹ اور مالیاتی سمیت مختلف کمیٹیوں کی تیاریوں سے اجلاس کو آگاہ کیا۔
اس موقع پر بھوانی سنگھ ٹھاکور، بسوراج کامشیٹی، مالپا اداسارے، سدرامیا سوامی، اشوک کمار کرنجی، ڈی کے گنپتی سمیت متعدد سینئر و نوجوان صحافی اور مختلف کمیٹیوں کے سو سے زائد ارکان موجود تھے۔ پروگرام کی نظامت شیوکمار سوامی نے انجام دی۔
NEWS & ADVERTISMENT CONTACT 9880736910
NEWS & ADVERTISMENT CONTACT 9880736910
NEWS & ADVERTISMENT CONTACT 9880736910
SAFA HOSPITAL BIDAR
NEWS & ADVERTISMENT CONTACT 9880736910
NEWS & ADVERTISMENT CONTACT 9880736910
NEWS & ADVERTISMENT CONTACT 9880736910
0 تبصرے