حیدرآباد میں سَنکرانتی کے دوران چور سرگرم، 12 مکانات میں سلسلہ وار چوریاں

حیدرآباد میں سَنکرانتی کے دوران چور سرگرم، 12 مکانات میں سلسلہ وار چوریاں

حیدرآباد 16 جنوری (ناز میڈیا)سَنکرانتی تہوار کے موقع پر حیدرآباد میں چوروں کی سرگرمیاں بڑھ گئی ہیں۔ میڈی پلی پولیس اسٹیشن کی حدود میں واقع نو درگا کالونی اور انو شکتی نگر میں نامعلوم سارقین نے تقریباً 12 مقفل مکانات کو نشانہ بناتے ہوئے قیمتی اشیاء چرا لیں۔

اطلاعات کے مطابق چور گھروں سے سونا اور چاندی کے زیورات لے کر فرار ہو گئے۔ آدھی رات کے وقت گھروں میں داخل ہونے والے سارقین کی حرکات علاقے میں نصب سی سی ٹی وی کیمروں میں ریکارڈ ہو گئی ہیں، جن کی بنیاد پر پولیس تحقیقات کر رہی ہے۔

واقعے کے بعد پولیس نے مقدمہ درج کر کے تفتیش کا آغاز کر دیا ہے۔ یکے بعد دیگرے ہونے والی ان چوری کی وارداتوں سے مقامی مکینوں میں خوف و ہراس پایا جاتا ہے، جبکہ شہریوں نے پولیس سے رات کی گشت میں اضافہ اور سکیورٹی سخت کرنے کا مطالبہ کیا ہے۔

NEWS & ADVERTISMENT CONTACT 9880736910