کمٹھانہ سرکل میں محمد غوث الدین کو کانگریس ٹکٹ دینے کا مطالبہ زور پکڑنے لگا، مقامی عوام نے حمایت کا کیا اعلان
بیدر13 اکتوبر ( محمد علیم الدین )ضلع پنچایت اور تعلقہ پنچایت انتخابات کے نوٹیفکیشن جاری ہوتے ہی سیاسی سرگرمیاں تیز ہو گئی ہیں۔ مختلف حلقوں میں ممکنہ امیدواروں کے ناموں پر بحث شروع ہو گئی ہے، وہیں کمٹھانہ سرکل میں بھی کانگریس پارٹی کے ٹکٹ کو لے کر سیاسی سرگرمیاں زور پکڑتی دکھائی دے رہی ہیں۔ کمٹھانہ سرکل کے عوام اور محمد غوث الدین کے چاہنے والوں کی جانب سے کانگریس پارٹی کی قیادت سے مطالبہ کیا جا رہا ہے کہ آئندہ ضلع پنچایت انتخابات میں محمد غوث الدین کو پارٹی کا ٹکٹ دیا جائے۔کمٹھانہ سرکل کے مقامی عوام کا کہنا ہے کہ وہ ہمیشہ ایسے عوامی نمائندے کو ترجیح دیتے ہیں جو ان کے درمیان رہ کر ان کے مسائل کو سمجھے اور ضرورت کے وقت ان کے ساتھ کھڑا رہے۔ عوام کے مطابق، اس مرتبہ بھی وہ ایک مقامی اور عوامی خدمت کے جذبے سے سرشار امیدوار کو کامیاب بنا کر لانے کا ارادہ رکھتے ہیں۔ مقامی لوگوں کا کہنا ہے کہ وہ اس بار بھی اپنے درمیان رہنے والے اور عوامی مسائل سے واقف شخص کو ہی منتخب کریں گے۔محمد غوث الدین کے حامیوں کا کہنا ہے کہ وہ ایک نیک دل، عوام دوست اور ہر وقت لوگوں کے لیے دستیاب رہنے والے شخص ہیں۔ وہ اس سے قبل تعلقہ پنچایت انتخابات میں آزاد امیدوار کی حیثیت سے کامیابی حاصل کر چکے ہیں، جو علاقے میں ان کی مقبولیت اور عوامی اعتماد کی عکاسی کرتا ہے۔حامیوں کے مطابق، محمد غوث الدین عوام کی خوشی اور غم میں شریک رہتے ہیں اور کسی بھی شخص کو ضرورت پیش آنے پر، چاہے وقت دن کا ہو یا آدھی رات کا، مدد کے لیے پہنچنے کی کوشش کرتے ہیں۔ ان کی عوامی خدمات اور لوگوں کے ساتھ ان کے رابطے کو دیکھتے ہوئے کمٹھانہ سرکل کے نوجوانوں اور مقامی افراد کی جانب سے انہیں کانگریس پارٹی کا امیدوار بنانے کا مطالبہ کیا جا رہا ہے۔محمد غوث الدین کے چاہنے والوں نے کانگریس پارٹی کے سینئر قائدین سے اپیل کی ہے کہ کمٹھانہ سرکل کے عوامی جذبات اور مقامی سطح پر ان کی حمایت کو مدنظر رکھتے ہوئے انہیں ضلع پنچایت انتخابات میں پارٹی کا ٹکٹ دیا جائے، تاکہ وہ کانگریس کے پلیٹ فارم سے عوام کی نمائندگی کر سکیں۔اب اہم سوال یہ ہے کہ کیا کانگریس پارٹی کی قیادت کمٹھانہ سرکل کے عوام اور محمد غوث الدین کے حامیوں کے اس مطالبے کو قبول کرتے ہوئے انہیں ٹکٹ دے گی، یا کسی دوسرے امیدوار کو میدان میں اتارے گی؟ فی الحال کمٹھانہ سرکل میں ٹکٹ کے معاملے کو لے کر سیاسی سرگرمیاں جاری ہیں اور سب کی نظریں کانگریس پارٹی کے حتمی فیصلے پر لگی ہوئی ہیں۔
NEWS & ADVERTISMENT CONTACT 9880736910
اشاعتیں
0 تبصرے