بیماری کے باعث انتقال کر جانے والے مہیش آلے کے اہل خانہ سے وجے سنگھ کی ملاقات، اظہارِ تعزیت
بیدر6 ستمبر ( نامہ نگار )سابق رکنِ قانون ساز کونسل اور کے پی سی سی کے جنرل سکریٹری شری وجے سنگھ نے آج بسوا کلیان اسمبلی حلقہ کے ہُلسور تعلقہ کے بیلور گاؤں کا دورہ کرتے ہوئے بیماری کے باعث انتقال کر جانے والے شری مہیش آلے کی رہائش گاہ پہنچ کر ان کے اہل خانہ سے ملاقات کی اور دلی تعزیت و ہمدردی کا اظہار کیا۔
اس موقع پر وجے سنگھ نے مرحوم کی روح کے ابدی سکون کے لیے دعا کرتے ہوئے کہا کہ اللہ تعالیٰ مرحوم کی روح کو سکون عطا فرمائے اور سوگوار خاندان کو اس گہرے صدمے کو برداشت کرنے کی ہمت اور صبر عطا فرمائے۔انہوں نے اہل خانہ کے ساتھ اپنائیت اور ہمدردی سے بات چیت کی، ان کے غم میں شریک ہوئے اور اس افسوسناک موقع پر انہیں دلاسہ دیتے ہوئے حوصلہ اور ہمت بندھائی۔
NEWS & ADVERTISMENT CONTACT 9880736910
اشاعتیں
0 تبصرے