سابق رکنِ قانون ساز کونسل وجے سنگھ کی سالگرہ، اسپتال میں مریضوں میں پھل تقسیم، خون عطیہ کیمپ کا بھی انعقاد

سابق رکنِ قانون ساز کونسل وجے سنگھ کی سالگرہ، اسپتال میں مریضوں میں پھل تقسیم، خون عطیہ کیمپ کا بھی انعقاد

بیدر، 29 جنوری (محمد علیم الدین)سابق قانون ساز کونسل کے رکن مسٹر وجے سنگھ نے اپنی 54ویں سالگرہ کو روایتی جشن کے بجائے انسانیت، ہمدردی اور عوامی خدمت کے پیغام کے ساتھ منایا۔ جہاں ایک جانب انہوں نے کسانوں کی مشکلات کے پیشِ نظر ذاتی تقریبات سے گریز کیا، وہیں دوسری جانب اُن کے چاہنے والوں اور کانگریس قائدین نے اسپتال میں مریضوں کی خدمت اور خون کے عطیہ کے ذریعے اس دن کو یادگار بنایا۔

مسٹر وجے سنگھ نے 27 جنوری کو جاری اپنے بیان میں کہا تھا کہ شدید بارشوں کے باعث بیدر ضلع، خصوصاً بسواکلیان تعلقہ میں کسانوں کو بھاری نقصان اٹھانا پڑا ہے، جس کے سبب انہوں نے اس سال اپنی سالگرہ نہ منانے کا فیصلہ کیا ہے۔ انہوں نے اپنے حامیوں سے اپیل کی تھی کہ نہ کوئی فلیکس، کٹ آؤٹ یا بینر لگایا جائے اور نہ ہی شال یا پھول لائے جائیں، بلکہ کسانوں اور عوام کی بھلائی کے لیے دعا کی جائے۔

ان کے مطابق عوام کی دعائیں ہی ان کے لیے سب سے بڑا تحفہ ہیں۔اسی جذبۂ انسانیت کے تحت آج 29 جنوری کو وجے سنگھ کی سالگرہ کے موقع پر اُن کے چاہنے والوں، کانگریس پارٹی کے قائدین اور معزز شخصیات نے تعلقہ سرکاری عوامی اسپتال میں زیرِ علاج مریضوں میں پھل تقسیم کیے، جبکہ اس موقع پر ایک خون عطیہ کیمپ کا بھی انعقاد کیا گیا، جس میں پارٹی کارکنان اور نوجوانوں نے بڑھ چڑھ کر حصہ لیا۔

اس موقع پر بلاک کانگریس صدر جناب نیلکنٹھ راٹھوڑ کے علاوہ بسوراج سوامی، ارجن کنک، دلیپ کمار شندے، شرنو الگُڈ، ڈی کے داود، شیوا کمار بیرادار، رویندر بورہلے، سابق صدر بلدیہ ایم ڈی سغیرالدین، منوہر مائیسے، پِنتو کامبلے، گریش تامبولے، جگن ناتھ پاٹل، منوج مشیٹی، سدّو بورگے، رام جادھو، موسیٰ کے بی این، انیل سومنونشی، چندرکانت میترے، لتا ہارکُڑے، سویتاکامبلے، اناپورنابائی باغ ہپرگ، آرتی راٹھوڑ، یاسمین، ناگناتھ میترے، یووراج بینڈے، پپّو اُدنے، سنتوش گڈی گوندگاؤں، جبّی نواز، جابیر، ایشور سونار، تہیسین علی جماعتدار، سادانند بیرادار، ایم ڈی خادیرالدین، اننت وڈیکر، نیتن ٹھاکر، وشنو اساجی سمیت متعدد کانگریس قائدین، یوتھ کانگریس کے عہدیداران اور وجے سنگھ کے چاہنے والے بڑی تعداد میں موجود تھے۔مریضوں، خون عطیہ کرنے والوں اور ان کے تیمارداروں نے اس انسانیت بھری خدمت پر خوشی اور شکرگزاری کا اظہار کیا۔ عوامی حلقوں میں وجے سنگھ کے اس اقدام کو ایک مثبت، حساس اور ذمہ دار قیادت کی عمدہ مثال قرار دیا جا رہا ہے۔